Èske m gen kotizasyon ki pa parèt oubyen espas vid nan yon peryòd?

Ki sa kotizasyon ki pa parèt sou kont lan ye?

Se kotizasyon pou yon rezon oubyen yon lòt ki pa parèt sou kont Endividyèl Chomaj la, oubyen pèman ki pa t dwe fèt, oubyen pèman anplis, oubyen pèman pa erè, oubyen pèman pou travayè Asirans Chomaj la pa kouvri.

Gen 2 tip:

• Kotizasyon ki pa parèt pou aklare yo: Yo koresponn ak pèman kotizasyon ki pa rive sou Kont Endividyèl Chomaj la. Nan ka sa a yo dwe fè yon bon analiz pou yo kapab transfere yo sou kont lan.
• Kotizasyon ki pa parèt pou remèt yo: Se pèman ki mal fèt oubyen ki fèt anplis, sa vle di kotizasyon yo peye pou travayè ki pa gen Asirans Chomaj pou yon montan ki plis pase sa lwa a etabli oubyen pa erè, pou sa AFC Chile ap remèt lajan sa yo.

Kilè sa kapab fèt?

Tip kotizasyon ki pa parèt pou aklare yo:

• Lè enfòmasyon afilye a pa kòrèk: diferans nan non ak siyati oubyen nimewo kat idantite a pa kòrèk oubyen pa egziste.
• Lè pa gen okenn relasyon ki egzite ant afilye a ak patwon an.
• Lè kotizayon patwon an peye yo pa gen rapò ak tip kontra travay la.
• Lè kont afilye ki gen yon kontra endefini pa gen kontribisyon patwon an oubyen travayè a.
• Lè yon patwon peye malgre li revoke travayè a.

Ki jan m kapab ranje sitiyasyon sa yo?

Selon tip enfòmasyon ki pa kòrèk la, li nesesè pou gen dokiman k ap pèmèt ou fè aklarasyon epi asosye kotizasyon an sou kont afilye a oubyen patwon an oubyen prezante l nan nenpòt biwo AFC Chile.

Selon ka a dokiman ou kapab prezante yo se:

• Kontra travay la.
• Papye dedomajman.
• Fòmilè pèman kotizasyon yo.
• Deklarasyon jire afilye a oubyen patwon an.
• Nenpòt lòt dokiman ki kapab pèmèt AFC kore demann nan.

Antre nan seksyon “Kotizasyon ki pa parèt” nan biwo anliy epi chèche konnen ki dokiman w ap bezwen prezante ak ki kote w dwe voye yo.

Kotizasyon ki pa parèt pou remèt: pèman ki pa kòrèk ak pèman anplis

Ka kote ki ka genyen pèman anplis oubyen pèman ki pa kòrèk e ki pa bezwen okenn dokiman pou fè yon ranbousman:

• Pèman ki pa kòrèk, sa vle di , pèman kotizayon pou yon travayè ki pa afilye oubyen ki elimine nan sistèm nan: minè, moun ki pran pansyon ak moun ki mouri.
• Pèman ki pa kòrèk patwon an pa touche.
• Pèman ki pa kòrèk travayè a pa touche.
• Pèman kotizasyon pou yon travayè endepandan.
• Lajan yo peye toutbonvre a plis pase sa fòmilè pèman an enfòme.
• Kotizasyon ki depase UF 122,6 (pou ane 2023 a).
• Pèman kotizasyon pou travayè oubyen patwon ki gen plis pase 11 an nan yon travay.
• Pèman anplis pou yon travayè ki gen yon kont bank ki fèmen oubyen ki pa egziste oubyen pèman ak yon fich bank ki ekspire.

Ki jan m ka fè demann ranbousman an?

AFC ap enfòme w e l ap reyalize ranbousman an otomatikman depi sa koresponn.

Nan ka kontrè, ou kapab antre nan seksyon “Kotizasyon ki pa parèt” nan biwo anliy epi fè demann ranbousman an san w pa bezwen prezante okenn dokiman.

Kisa espas vid nan yon peryòd yo ye?

Sa koresponn ak peryòd kote patwon w lan pa peye youn oubyen plizyè kotizasyon.

Verifye si w gen espas vid nan yon peryòd nan biwo anliy.

Ou kapab verifye enfòmasyon sa a tou nan bilten enfòmasyon Asirans Chomaj la.