Sispansyon Kontra Travay lè otorite yo bay lòd pou sa
Lwa ki te an fonksyon an fini 6 oktòb. Aprè dat sa a, yo pap ka reyalize demann sispansyon travay ankò. Travayè ki t ap jwenn benefis sispansyon yo ap resevwa pèman ki rete yo jiska dat sa a. Espas pactos.afc.cl la ap disponib pou modifye metòd pèman yo, konsilte demann yo e mande sètifika benefis ki resevwa yo.
Li aplikab lè otorite yo bay lòd pou kanpe nèt oubyen anpati tout aktivite poutèt restriksyon sanitè akoz pandemi Covid-19 la (pa egzanp, lè yo deklare pou tout aktivite ekonomik kanpe yon fason tanporè nan peyi a oubyen nan yon zòn byen detèmine).
Ki benefis sa ye?
- Li pèmèt travayè yo jwenn aksè ak salè yo pa mwayen Asirans Chomaj la.
- Pèman yo ap kòmanse avèk 70% mwayèn salè san enpo 3 dènye mwa yo e depi dezyèm nan jiska senkyèm nan l ap rete avèk 50% salè a.
- Si pa rete fon sou Kont Endividyèl Chomaj la, otomatikman y ap finanse pèman yo nan Fon Solidè Chomaj la. Konsilte tablo yo suiv pou kalkile montan yo.
- Travayè ki fè sispansyon lè otorite yo bay lòd pou sa oubyen pou Lwa pwoteksyon pou pran swen timoun kapab gen aksè ak yon maksimòm 18 pèman asirans chomaj la nan Fon Solidè Chomaj la.
Kondisyon pou ka gen aksè ak benefis la
- Ou dwe afilye nan asirans chomaj la.
- Ranpli youn nan 2 kondisyon sa yo:
- Ou dwe gen 3 kotizasyon ki peye youn dèyè lòt nan asirans Chomaj la nan 3 dènye mwa tousuit anvan sispansyon kontra travay la.
- Ou dwe gen omwen 6 kotizasyon youn dèyè lòt oubyen nenpòt jan pandan 12 dènye mwa yo, ladan yo, omwen 2 dènye yo dwe avèk menm patwon an nan 2 dènye mwa tousuit anvan sispansyon kontra travay la.
Demach pou fè
Patwon an ka konplete demann sispansyon kontra travay lè otorite yo bay lòd pou sa nan pactos.afc.cl