Sispansyon kontra travay pou Pwoteksyon pou pran swen timoun
Lwa ki te an fonksyon an fini 6 oktòb. Aprè dat sa a, yo pap ka reyalize demann sispansyon travay ankò. Travayè ki t ap jwenn benefis sispansyon yo ap resevwa pèman ki rete yo jiska dat sa a. Espas pactos.afc.cl la ap disponib pou modifye metòd pèman yo, konsilte demann yo e mande sètifika benefis ki resevwa yo.
Li fèt pou papa, manman oubyen moun k ap pran swen yon timoun ki nan laj pou lekòl preskolè e ki afilye nan asirans chomaj la.
Patwon an bò kote pa l dwe pèmèt travayè a fè demann nan pou l ka jwenn benefis lwa sa a e li pap ka neglije l sa.
Ki benefis sa ye?
- Aksepte fè Sispansyon Kontra Lwa Pwoteksyon Travay la.
- Kontinye resevwa yon pousantaj salè a, ki kòmanse ak yon 70% nan premye vèsman an epi k ap redui selon tablo referans Lwa Pwoteksyon Travay la: ant dezyèm pèman an ak senkyèm nan, y ap peye 50% mwayèn salè a, e depi sizyèm vèsman an 50% oubyen 45% selon fon ki disponib pou finansman an.
- Lòt benefis Lwa Pwoteksyon Pou Pran swen timoun nan se pwolonjman pèmisyon aprè akouchman an pou 30 jou ak posiblite pou renouvle l jiska 2 fwa. Yo dwe fè demann benefis la pa mwayen Direksyon Sekirite Sosyal nan www.suseso.cl.
Kondisyon pou gen aksè ak benefis la
- Ou pa dwe ap itilize okenn pèmisyon paran aprè akouchman.
- Timoun nan dwe fèt apati 1 ye janvye 2013.
- Gadri, jaden-danfan oubyen lekòl timoun nan ye a dwe fè femen tanporèman poutèt dispozisyon otorite yo pran nan objektif pou kontwole pandemi Covid-19 la.
- Travayè a dwe ranpli kondisyon lwa pwoteksyon travay la pandan peryòd li an fonksyon an.
Demach pou fè
- Sispansyon kontra travay:
- Patwon an dwe enskri nan pactos.afc.cl avèt “rut” e kòd sekrè “previred” la.
- Travayè a ka fè demann nan dirèkteman nan espas pou travayè yo, si aprè 2 jou ouvrab li fin kominike patwon an l ap itilize dwa sa a e l prezante tout dokiman yo, men patwon an pa fè okenn demanch.
Nouvo benefis ki konplete Lwa Pwoteksyon Pou pran swen timoun nan
Gen nouvo benefis ki konplete e ki modifye Lwa Pwoteksyon pou pran swen timoun nan avèk objektif pou sipòte travayè ki te itilize yon pèmisyon prevansyon paran (ijans aprè akouchman).
Si travayè a twouve l nan yon sispansyon travay pou Pwoteksyon pou pran swen timoun e l te itilize omwen yon pèmisyon prevansyon paran pou maladi apati 18 mas 2020, l pa kapab chwazi fè nouvo benefis sa a.
Verifye plis enfòmasyon sou nouvo Lwa Pwoteksyon pou pran swen timoun nan